Teńiz kenishiniń 142 qyzmetkeri koronavırýs juqtyrdy
ATYRAÝ. QazAqparat – Búgin Atyraý oblysyndaǵy Teńiz kenishiniń 142 qyzmetkeri koronavırýs juqtyrdy, dep habarlaıdy QazAqparat.
Bul týraly tótenshe jaǵdaı rejımin qamtamasyz etý jónindegi jedel shtabtan málim etti.
«Qaýipti indet juqtyrǵan naýqastardyń bári –Teńiz kenishindegi merdigerlik mekemeniń qyzmetkerleri. Olar vahtalyq aýysym aldynda turǵylyqty mekenjaıyna barý úshin mindetti skrınıgten ótken. Barlyǵy ınfektsııalyq statsıonarǵa jatqyzyldy. Qazir algorıtmge sáıkes em qabyldap jatyr», - dep habarlady jedel shtabtan.
Búgin Atyraý oblysynda koronavırýs ınfektsııasyn juqtyrǵan naýqastar sany 769 adamǵa jetti. Onyń ishinde 174 patsıent jazylyp shyqqan. Buǵan deıin Teńiz kenishiniń 3 jumysshysy jansaqtaý bóliminde jatqany habarlandy.
