Teńiz kenishinen jarty jylda 15 mln tonnaǵa jýyq munaı óndirildi

ATYRAÝ. QazAqparat – Atyraý oblysynyń Jylyoı aýdanynda «Teńizshevroıl» JShS kompanııasy Teńiz ken ornynan jarty jylda 15 mln tonnadaı munaı óndirildi, dep habarlaıdy QazAqparat tilshisi.

«2008 jyly TShO shıki gazdy aıdaý jobasyn aıaqtap, ekinshi býyn zaýytyn iske qosqan soń, táýliktik munaı óndirý kólemi 75 000 tonnaǵa (600 000 barrel) jetti. Atalǵan jobalardyń arqasynda 2019 jyldyń alǵashqy jartysynda shıki munaı óndirý kólemi 14,96 mıllıon tonna nemese 119,4 mıllıon barreldi qurady», - dep málimdedi «Teńizshevroıl» kompanııasynyń baspasóz qyzmeti.

Eske sala keteıik, 2018 jyldyń alǵashqy jartysynda bul kórsetkish 14,7 mln tonna (117,3 mln barrel) edi.

Teńiz kollektorynyń jalpy barlanǵan qory 3,2 mıllıard tonna (25,5 mlrd barrel), Korolev ken ornynda - 200 mıllıon tonna (1,6 mlrd barrel). Teńiz jáne Korolev ken oryndarynan alynatyn munaı qorlary 890 mıllıonnan 1,37 mıllıard tonnaǵa (7,1 – 10,9 mlrd barrel) deıin jetedi. Teńiz ken orny kollektorynyń eni 20 km (12 mıl), al uzyndyǵy 21 km (13 mıl).

Avtor: A.Sokolov