Teńiz kenishindegi vahtalyq kentte qoıma órtendi
ATYRAÝ. QazAqparat – Atyraý oblysynda ornalasqan Teńiz kenishindegi vahtalyq kentte qoıma órtendi, dep habarlaıdy QazAqparat.
«31 jeltoqsanda Teńiz kenishindegi óndiristik alańnan tys vahtalyq kenttegi merdigerlik mekemeniń qoımasy órtengeni belgili boldy. TShO-nyń órt-avarııalyq qyzmetiniń qyzmetkerleri oqıǵa ornyna jedel jetti. Ǵımarattan barlyq qyzmetker evakýatsııalandy. Eshkimge medıtsınalyq kómek qajet bolmady», - dep habarlady «Teńizshevroıl» JShS-nyń baspasóz qyzmetinen.
Órt týraly tıisti organdarǵa habarlanǵan. Qoımanyń órtený sebebin anyqtaý úshin tekserý júrgizilmek.
Eske sala ketelik, budan buryn Atyraýda órt sóndirýshiler 38 adamdy qutqarǵan bolatyn.
