Teńiz kenishindegi statsıonarda 716 naýqas emdelip jatyr
Oblystyq densaýlyq saqtaý basqarmasy baspasóz qyzmetiniń málimetine qaraǵanda, koronavırýs ınfektsııasyn juqtyrýdyń basym bóligi burynǵysha Atyraý qalasy men Teńiz kenishinde tirkelip otyr. Óńirde ótken táýlikte 51 adamnan qaýipti indettiń belgisi anyqtalǵan.
«Koronavırýsqa shaldyqqandardyń arasynda Atyraý qalasynan 12 naýqas bar. Teńiz kenishinde 32 jumysshy qaýipti vırýs juqtyrdy. Al, Jylyoı aýdanynda – 2, Qyzylqoǵada – 3, Maqat aýdanynda 2 adamnan Sovid-19 tabyldy. Koronavırýs 10 naýqasta sımptomdy túrde ótýde» - dep habarlady basqarmanyń baspasóz qyzmetinen.
Ótken táýlikte koronavırýs ınfektsııasynan 39 naýqas emdelip shyqqan. Al 238 adam úı jaǵdaıynda em qabyldaýdy jalǵastyrýda. Oblystyq ınfektsııalyq statsıonarda 103, aýdandardaǵy statsıonarlarda 34, Teńiz kenishindegi ınfektsııalyq statsıonarda 716 adam
em qabyldap jatyr.
Eske sala ketelik, buǵan deıin Teńiz kenishinde taǵy 66 jumysshy koronavırýs juqtyrǵan edi.
