Teńiz kenishindegi munaı óndirý táýligine 850 myń barrelge jetkiziledi

ATYRÝ. QazAqparat - Keńeıtý jáne saǵalyq qysymdy basqarý jobalary júzege asyrylǵannan keıin Atyraý oblysyndaǵy Teńiz kenishinde munaı óndirisi táýligine 850 myń barrelge deıin jetkiziledi, dep habarlaıdy «QazAqparat» HAA tilshisi.

«TShO seriktesteri Teńiz kenishiniń óndiristik qýatyn damytýdyń kelesi kezeńine aınalatyn  bolashaqtaǵy damý  jobasy - Saǵalyq qysymdy basqarý jobasyn (BDJ-SQBJ) qarjylandyrý týraly sońǵy sheshim qabyldanǵandyǵyn habarlady. Tıimdilikti aıtarlyqtaı arttyrý jáne qarjy únemdeý maqsatynda BDJ-SQJB nysandarynyń qurylysy bir ýaqytta júrgiziledi. Jobalardy júzege asyrýdyń  maqsaty - munaı óndirisýdi táýligine 260 myń barrelge deıin arttyrý», - dep habarlaıdy «Teńizshevroıl» JShS-nyń baspasóz qyzmeti.