Teńiz kenishindegi ınfektsııalyq statsıonarda koronavırýspen jatqan naýqastar joq

ATYRAÝ. QazAqparat – Teńiz kenishindegi ınfektsııalyq statsıonarǵa koronavırýs ınfektsııasymen túsken naýqastar túgelimen saýyǵyp shyqty. Qazir munda emdelip jatqan naýqastar joq, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte 5 adam qaýipti vırýsqa shaldyqqan. Naqtylaı aıtqanda, Atyraý qalasynda 5, Qurmanǵazy aýdanynda – 2, Teńiz ken ornynda 1 naýqas tirkelgen.

«Atyraý oblysy birneshe kúnnen beri «jasyl» aımaqta tur. Buǵan óńirde koronavırýs ınfektsııasynyń taralý dereginiń azaıýy sebep bolyp otyr. Qazir qaýipti vırýsqa shaldyqqan 150 naýqas emdelip jatyr. Onyń ishinde 80 adam úı jaǵdaıynda, 70 naýqas ınfektsııalyq statsıonarlarda em qabyldaý úshin oqshaýlanǵan. Al, modýldik aýrýhanada – 57, aýdandardaǵy ınfektsııalyq statsıonarlarda 13 patsıent oqshaýlanǵan. Jylyoı aýdanynda ornalasqan Teńiz ken ornyndaǵy ınfektsııalyq statsıonarda birde-bir naýqas emdelýge jatqyzylǵan joq», -dep habarlady basqarmanyń baspasóz qyzmeti.

Eske sala ketelik, budan buryn Teńiz kenishinde 9 kúnnen beri koronavırýs juqtyrýshylar tirkelmegenin jazǵan edik.