Teńiz kenishindegi gazdyń atylýynan kelgen zııan mólsheri anyqtaldy
ATYRAÝ.QazAqparat - Aǵymdaǵy jylǵy 30 mamyrda Teńiz kenishinde bolǵan gazdyń atylýynan ekologııaǵa kelgen zııan mólsheri belgiili boldy, dep habarlaıdy «QazAqparat HAA menshikti tilshisi.
«Teńiz kenishindegi gazdyń atylýynyń sebep-saldary men zııanyn teksergen arnaıy komıssııa óz jumysyn aıaqtady. Ekologııaǵa tıgizgen zııan mólsheri 76,9 mln teńge kóleminde aıqyndaldy. Sondaı-aq, «Tengızshevroıl» JShS kompanııasy 169 mln teńge aıyppul tóleıtin bolady.
Oblystyq ekologııa departamenti mamandardyń qorytyndysyn «Tengızshevroılǵa» jiberdi. Zań boıynsha kompanııa bir aıdyń ishinde keltirilgen zııan men aıyppul somasyn tóleýi tıis», - dep habarlady Atyraý oblysy bas ekologııalyq ınspektory Qanat Qalmahan.
