Teńiz kenishindegi 36 jumysshydan koronavırýs anyqtaldy
ATYRAÝ. QazAqparat – Atyraý oblysynda sońǵy eki táýlikte 111 adam koronavırýs ınfektsııasyn juqtyrdy, dep habarlaıdy QazAqparat.
Sońǵy eki táýlikte qaýipti vırýsqa shaldyqqandar sany Atyraý qalasy men Teńiz kenishinde kúrt ósken. Máselen, óńirde 22 naýryzda 48 , al 23 naýryzda 63 naýqas tirkelgen.
Onyń ishinde Atyraý qalasynda eki táýlikte 53 adamnan koronavırýs ınfektsııasynyń belgisi anyqtalǵan. Al, Teńiz kenishinde eki táýlikte 36 jumysshy qaýipti indetti juqtyrǵan.
Sondaı-aq, eki táýlikte Jylyoı, Qurmanǵazy, Qyzylqoǵa, Isataı aýdandarynyń turǵyndarynan da qaýipti vırýs anyqtalyp otyr. Ásirese, Jylyoıda -9, al, Qurmanǵazy aýdanynda 11 naýqas tirkelgen.
Qazir 213 patsıent úı jaǵdaıynda em alýdy jalǵastyrýda. Oblystyq ınfektsııalyq statsıonarda 33, modýldik statsıonarda 78, aýdandardaǵy statsıonarlarda 17 naýqas em qabyldaý úshin oqshaýlanǵan. Al, Teńiz ken ornyndaǵy ınfektsııalyq statsıonarda 256 adam emdelip jatyr.
Eske sala ketelik, budan buryn Atyraýda modýldik ınfektsııalyq statsıonarǵa alǵashqy 20 naýqas jatqyzylǵanyn jazǵan edik.
