«Teńiz» kenishinde jumysshy pyshaq jaraqatyn alǵan
ATYRAÝ. QazAqparat – Atyraý oblysynyń Jylyoı aýdanyndaǵy Teńiz kenishinde jumysshylardyń biri pyshaq jaraqatyn alǵan, dep habarlaıdy QazAqparat.
Kesheden beri áleýmettik jelide Teńiz kenishindegi jataqhanalardyń birinde jumysshylardyń biri pyshaq jaraqatyn alǵany týraly aqparat tarady. Jelide jataqhana ishinde túsirilgen foto da jarııalandy.
Keıbir derekke qaraǵanda, turmystyq janjaldan jaraqat alǵan eki jumysshy TShO-nyń medıtsınalyq klınıkasyna jatqyzylǵan.
«Bul oqıǵa Jylyoı aýdanyndaǵy «Teńiz» ken ornyndaǵy seriktestiktiń biriniń jataqhanasynda bolǵan. Osyǵan baılanysty buzaqylyq faktisi boıynsha sotqa deıingi tergeý júrip jatyr» dep habarlady oblystyq polıtsııa departamentiniń baspasóz qyzmeti.
Eske sala ketelik, buǵan deıin Atyraýda dárihanany tonap ketkenin jazyp edik.
