Teńiz kenishinde vaktsına alǵandarǵa qosymsha aqsha tólenetini týraly aqparat jalǵan
Buǵan deıin áleýmettik jelide «Teńizshevroıl» kompanııasy barlyq mekemege vaktsına alǵan ár jumysshyǵa 70 000-130 000 teńge kóleminde aqsha aýdarǵan» degen aqparat taraǵan. Bul aqparatty «Teńizshevroıl» JShS-niń baspasóz qyzmeti joqqa shyǵardy.
«Kompanııa vaktsına alǵan qyzmetkerlerge qosymsha tólem tólenetini týraly áleýmettik jelilerde taraǵan jalǵan aqparattan habardar. Bul aqparat shyndyqqa sáıkes kelmeıdi.
«Teńizshevroıl» kompanııasynda vaktsınatsııalaý baǵdarlamasy erikti túrde júzege asyrylyp jatyr. Osy kezge deıin Teńiz kenishinde qyzmetkerlerdiń 94%-dan astamy ekpe aldy. «Teńizshevroıldyń» basty qundylyǵy – qyzmetkerlerdiń jáne ózimiz jumys isteıtin qaýymdastyqtyń qaýipsizdigi men densaýlyǵyn qorǵaý. Kompanııanyń jáne merdiger uıymdardyń barlyq qyzmetkeri rastlaǵan aqparat ǵana senedi», -dep habarlady
kompanııanyń baspasóz qyzmeti.
Eske sala ketelik, budan buryn Atyraýda Rfizer vaktsınasyn ashanadaǵy sýsyndarǵa qosady degen jalǵan aqparat taraǵanyn jazǵan bolatynbyz.
