Teńiz kenishinde taǵy 66 jumysshy koronavırýs juqtyrdy
ATYRAÝ. QazAqparat – Atyraý oblysyndaǵy Teńiz kenishinde 66 jumysshy koronavırýs juqtyrdy, emdelýshiler 669-ǵa jetti, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmetiniń málimetinshe, ótken táýlikte 81 adam koronavırýs juqtyrǵan. Al 29 naýqas emdelip shyqqan.
«Koronavırýsqa shaldyqqandardyń arasynda Atyraý qalasynan 8 naýqas tirkeldi. Sondaı-aq, Teńiz kenishinde 66 jumysshydan, Jylyoı aýdanynda 4, Qurmanǵazy aýdanynda 3 adamnan Sovid-19 anyqtaldy. Naýqastardyń 11-inde koronavırýstyń sımptomdy túri bar» dep habarlady basqarmanyń baspasóz qyzmeti.
Qazir 267 adam úı jaǵdaıynda emdelýde. Oblystyq ınfektsııalyq statsıonarda 103, al aýdandardaǵy ınfektsııalyq statsıonarlarda 40, Teńiz kenishinde statsıonarda 669 adam em qabyldap jatyr.
Eske sala ketelik, buǵan deıin Teńiz kenishinde taǵy 42 jumysshy koronavırýsqa shaldyqqan edi.
