Teńiz kenishinde taǵy 51 jumysshy koronavırýs juqtyrdy
ATYRAÝ. QazAqparat – Atyraý oblysyndaǵy Teńiz kenishinde taǵy 51 jumysshy koronavırýs ınfektsııasyn juqtyrdy, dep habarlady QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, qaýipti indetke shaldyqqan naýqastar arasynda Atyraý qalasynan 1 adam bar. Naýqastardyń deni – 51 adam Teńiz kenishindegi merdiger mekemelerdiń jumysshylary ekeni anyqtalyp otyr. Onyń ishinde 11 naýqastan koronavırýstyń sımptomdy túri tabylǵan.
«Ótken táýlikte koronavırýs ınfektsııasynan 76 adam saýyǵyp shyqty. Qazir 345 adam úı jaǵdaıynda emdelýdi jalǵastyrýda. Oblystyq ınfektsııalyq statsıonarda 73, al aýdandardaǵy statsıonarlarda 23, Teńiz kenishindegi statsıonarda 683 naýqas emdelip jatyr» -dep habarlady basqarmanyń baspasóz qyzmetinen.
Eske sala ketelik, budan buryn Atyraýda koronavırýs juqtyrǵandardyń deni – Teńiz kenishiniń jumysshylary ekenin habarlaǵan edik.
