Teńiz kenishinde taǵy 42 jumysshy koronavırýsqa shaldyqty
ATYRAÝ. QazAqparat –Atyraý oblysyndaǵy Teńiz kenishinde taǵy 42 jumysshy koronavırýsqa shaldyqty, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmeti taratqan aqparatqa qaraǵanda, ótken táýlikte 121 adam qaýipti indetten saýyǵyp shyqqan. Qazir 265 adam úı jaǵdaıynda, oblystyq ınfektsııalyq statsıonarda 98, aýdandardaǵy statsıonarlarda 37 naýqas em qabyldap jatyr. Al, Teńiz kenishindegi statsıonarǵa 627 patsıent jatqyzylǵan.
«Ótken táýlikte 65 adamnan koronavırýs ınfektsııasy PTR-test arqyly rastaldy. Atyraý qalasynda 13 adamnan, Teńiz kenishinde 42 jumysshydan, Jylyoı aýdanynda 2, Mahambette – 1, Qurmanǵazy aýdanynda 7 adamnan Sovid-19 anyqtaldy. Qaýipti ınfektsııa juqtyrǵan naýqastardyń 22-inde aýrý sımptomdy túrde ótýde» -dep habarlady basqarmanyń baspasóz qyzmeti.
Eske sala ketelik, buǵan deıin Teńiz kenishinde 56 adam koronavırýs juqtyrǵan bolatyn.
