Teńiz kenishinde koronavırýstyń 17 oshaǵy anyqtaldy
ATYRAÝ. QazAqparat – Atyraý oblysyndaǵy Teńiz kenishinde koronavırýstyń 17 oshaǵy anyqtaldy, dep habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń málimetine súıensek, mundaǵy karantındik statsıonarda 2000-nan astam adam bar. Olar buǵan deıin koronavırýs ınfektsııasyn juqtyrǵan naýqastarmen baılanysta bolǵan.
Sondaı-aq, jumysshylar tuǵan vahtalyq kentte qaýipti indettiń 17 oshaǵy anyqtalǵan.
Ken ornynan 16 200 jumysshy shyǵarylyp, turǵylyqty mekenjaılaryna jiberilgen. Jaqyn kúnderi taǵy 800 adamdy shyǵarý kózdelip otyr.
«Qazirgi ýaqytta Teńiz kenishindegi merdigerlik mekemelerden 359 adam ınfektsııa juqtyrdy. Onyń 64-i jazylyp shyqty. Sońǵy táýlikte munda indetke shaldyqqan 90 adam tirkeldi. Olar - buryn anyqtalǵan naýqastarmen baılanysta bolǵandar» - dedi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń bas mamany Almagúl Kóshkinbaeva.
