Teńiz kenishinde koronavırýs juqtyrǵandar sany 160-qa jetti
ATYRAÝ. QazAqparat – Atyraý oblysyndaǵy Teńiz kenishinde koronavırýs juqtyrǵandar sany 160 adamǵa jetti, dep habarlaıdy QazAqparat.
Óńirlik jedel shtabtyń habarlaýynsha, búgin Atyraý oblysynda koronavırýs ınfektsııasyn juqtyrǵan 226 adam tirkelgen. Sonyń ishinde Teńiz ken ornynda Covid-19 indetiniń taǵy 15 jańa jaǵdaıy tirkeldi. Naýqastar arasynda on er adam jáne bes áıel bar. Olar ken ornynan turǵylyqty jerine jetý daıyndyǵynan ótken jumysshylar. Algorıtmge saı, jumys ornynan shyǵar aldynda qyzmetkerlerden analız alynǵan. PTR dıagnostıkalyq testileý nátıjesinde Covid-19 dıagnozy rastaldy.
Qazirgi ýaqytta naýqastardyń jaǵdaıy qanaǵattanarlyq. Bekitilgen hattamaǵa sáıkes em alýda.
Naýqastarmen baılanysta bolǵan adamdar anyqtalyp, barlyǵy medıtsınalyq baqylaýǵa alynǵan. Infektsııa oshaǵyna dezınfektsııa jumystary júrgizilip jatyr.
Eske sala ketelik, búgin, 6 mamyrda Atyraý oblysynda 226 adamnan COVID-19 indeti anyqtaldy. Onyń ishinde 160 adam - Teńiz ken ornyndaǵy jumysshylar. Qaýipti indetten 78 adam emdelip shyqty.
