Teńiz kenishinde qarashadan beri 140 jumysshy koronavırýs juqtyrdy

ATYRAÝ. QazAqparat – Atyraý oblysyndaǵy Teńiz kenishinde qarashadan beri 140 jumysshy koronavırýs juqtyrdy, dep habarlaıdy QazAqparat.

Densaýlyq saqtaý basqarmasy baspasóz qyzmetiniń málimetinshe, atalǵan ken ornynda qarashadan beri qaýipti indetti juqtyrǵan 140 jaǵdaı tirkelgen. Onyń ishinde 71 naýqas sońǵy 4 táýlikte anyqtalǵan.

«Teńiz ken ornyndaǵy 315 oryndyq ınfektsııalyq statsıonarda 15 maman jumys isteýde. Qazir munda 111 naýqas em qabyldaýda. Osylaısha statsıonar júktemesi 35,2 paıyzdy qurap otyr. Soǵan sáıkes, densaýlyq saqtaý basqarmasy búgin Teńiz ken ornyna qosymsha 8 mamandy jiberýge sheshim qabyldandy. Onyń ishinde 2 dáriger, 2 meıirger men 4 sanıtar bar» -dep habarlady basqarmanyń baspasóz qyzmeti.

Eske sala ketelik, budan buryn Teńiz kenishindegi naýqastar sany 102-ge jetkenin habarlaǵan bolatynbyz.