Teńiz kenishinde karantındik rejım engizildi
ATYRAÝ. QazAqarat – Atyraý oblysynyń bas sanıtarlyq dárigeri Temirbek Musaǵalıevtyń qaýlysymen Teńiz kenishinde 14 kúndik karantın engizildi, dep habarlaıdy QazAqparat.
Buǵan Teńiz kenishinde qalyptasqan qolaısyz epıdemıologııalyq ahýal, sondaı-aq, jumyldyrylǵan jáne demobılızatsııalanǵan jumysshylar arasynda COVID-19 koronavırýstyq ınfektsııasynyń tirkelýi sebep boly otyr.
Qaýly mátininde «Qaıta oralyp jatqan jumysshylardy COVID-19 ınfektsııasyna PTR synama alý arqyly, 14 kúndik karantınge oqshaýlasyn. Vahtalyq poselkege kirer-shyǵar aldynda medıtsınalyq tekserýdi, sonyń ishinde termometrııany uıymdastyrsyn. Jumys ýaqytynan tys mezgilde jumysshylardyń birlesip tamaqtanýyna, ózara aralasýyna shekteý engizsin» delingen;
Jumysshylardyń turyp jatqan jerinen jumys ornyna sanıtarlyq-epıdemıologııalyq talaptardy saqtaı otyryp, kólikpen baryp-kelýin qamtamasyz etsin (jolaýshylar arasyndaǵy ara qashyqtyq bir metrden kem emes, jolaýshylar avtobýs ishinde maskada bolýy tıis.
Sondaı-aq, dezınfektsııalyq quraldarmen bólmelerdi, sonyń ishinde esik tutqalary, sóndirgishter, tutqalar men taıanyshtardy, janasatyn betterdi (qyzmetkerlerdiń ústeli men oryndyqtary, orgtehnıka), jalpylama qoldanys oryndaryn (tamaqtaný men tynyǵý bólmeleri, sanıtarlyq toraptardy, sportpen shuǵyldanatyn bómeler men quraldardy) mindetti jınastyryp tazatylyp turady.
