Teńiz kenishinde indet juqtyrǵandar 32 adamǵa kóbeıdi
ATYRAÝ. QazAqparat –Atyraý oblysynyń Jylyoı aýdanyndaǵy Teńiz kenishinde indet juqtyrǵandar 32 adamǵa kóbeıdi, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, ótken táýlikte 49 adamnan koronavırýs indeti anyqtalǵan.
«Qaýipti indetke shaldyqqan 12 naýqas Atyraý qalasynda tirkeldi. Al Teńiz kenishinde 32 jumysshy koronavırýs juqtyrdy. Sondaı-aq, Jylyoı aýdanynda 4, Qurmanǵazy aýdanynda 1 adamnan Sovid-19 indeti tabyldy. Onyń ishinde 20 naýqasta indet sımptomdy túrde ótýde. Ótken táýlikte koronavırýs ınfektsııasynan 41 adam emdelip shyqty» -dep habarlady basqarmanyń baspasóz qyzmeti.
Qazir úı jaǵdaıynda 228 adam emdelip jatyr. Oblystyq ınfektsııalyq statsıonarda 86, aýdandardaǵy statsıonarda 13, Teńiz kenishindegi statsıonarda em qabyldap jatqan naýqastar 342 adamǵa jetti.
Eske sala ketsek, budan buryn Atyraý oblysynda 28 naýryzdan beri 12 myń adam koronavırýs juqtyrǵanyn jazǵan bolatynbyz.
