Teńiz kenishinde gazdyń atylý saldaryn arnaıy komıssııa tekserip jatyr
ATYRAÝ.QazAqparat - Atyraýda arnaıy komıssııa Teńiz ken ornyndaǵy gazdyń atylýyna baılanysty TJ-ǵa tekseris júrgizýde. Bul jaıly memlekettik organ ókilderi «Teńizshevroıl» JShS-ynde ótken brıfıngte málimdedi, dep habarlaıdy «QazAqparat» HAA tilshisi.
«TJ deregi boıynsha tekseris bir táýlik buryn, 31 mamyr kúni bastaldy. Zańmen qarastyrylǵan eskertý sharalaryn saqtaý kerek boldy. Habarlandyrý jiberildi, ol Quqyqtyq statıstıka jáne esepke alý jónindegi komıtet tirkeýinen ótip, 31 mamyrdan bastap Atyraý oblystyq ekologııa departamentimen tekserý jumystary bastaldy. Alǵashqy nátıjeler jaıly atylǵan gaz kólemi anyqtalǵannan keıin aıtýǵa bolady. Gaz kólemin negizge alyp, shyǵyndy da anyqtaýǵa bolady», - deıdi QR Energetıka mınıstrligi Ekologııany retteý jáne baqylaý komıteti tóraǵasynyń mindetin atqarýshy Azamat Álimbaev.
Aıta keteıik, 30 mamyr kúni Teńiz kenishinde gaz atyldy. Oǵan elektr energııasynyń kenetten óshýi sebep boldy. Jumysshylar dereý qaýipsiz jerge jetkizildi. Ýlaný, jaraqat alý nemese munaı tógilý jaǵdaılary tirkelmegen.
