Teńiz kenishinde Fılıppın men Úndistan azamattary koronavırýs juqtyrdy
ATYRAÝ. QazAqparat –Búgin Atyraý oblysyndaǵy Teńiz kenishinde koronavırýs juqtyrǵan jumysshylar arasynda Fılıppın men Úndistan azamattary bar, dep habarlaıdy QazAqparat.
Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, búgin Teńiz kenishiniń 35 jumysshysynan koronavırýs ınfektsııasynyń belgisi tabylǵan.
«Qaýipti indet tabylǵan jumysshylardyń úsheýi –Úndistannyń, bireýi – Fılıppınniń azamaty. Jumysshylardan koronavırýs ınfektsııasy turǵylyqty mekenjaıyna shyǵar aldynda ótkizilgen skrınıng barysynda anyqtalǵan. Olardyń arasynda 34 er adam, 1 áıel bar. Barlyǵy da ınfektsııalyq statsıonarǵa jatqyzyldy. Hattamaǵa sáıkes em qabyldaýda. Naýqastarmen baılanysta bolǵandar anyqtalyp, dərigerler baqylaýyna alyndy. Infektsııa oshaqtaryna dezınfektsııa júrgizilýde» -dep habarlady óńirlik jedel shtab.
Búgin, 17 mamyrdaǵy jaǵdaı boıynsha Atyraý oblysynda koronavırýs ınfektsııasyn juqtyrǵan 541 adam tirkeldi.
