Teńiz kenishinde COVID-19 vırýsyn juqtyrǵan adammen baılanysta bolǵandar anyqtaldy
ATYRAÝ. QazAqparat – Teńiz ken ornynyń vahtashylar turatyn aýylynda koronavırýs juqtyrǵan áıelmen baılanysty bolǵandar anyqtaldy. Olardyń jalpy sany 10 adam, dep habarlaıdy QazAqparat.
Óńirlik kommýnıkatsııalar qyzmetinde ótken brıfıngide Atyraý oblystyq densaýlyq saqtaý basqarmasy bastyǵynyń orynbasary Gúlnafıs Tańbaeva Vaternas atty vahtashylar aýylyndaǵy 50 jastaǵy áıelmen baılanysta bolǵan 10 adamnyń barlyǵynan analız alynǵanjyǵyn habarlady. Jumysshylardyń barlyǵy oqshaýlandyrylyp, statsıonarǵa jatqyzyldy. Sonymen qatar vırýs juqtyrǵan adammen baılanysta bolǵandarmen qarym-qatynas jasaǵan taǵy 50 adam oqshaýlandyryldy.
«Teńizshvroıl» JShS Qoǵammen jáne BAQ-pen baılanys jónindegi bas menedjer Rzabek Artyǵalıevtiń sózinshe, qazirgi tańda Teńiz kenishinen shyǵýǵa tyıym salynǵan. Kenishke tek birinishi kezekte qajetti taýarlardy tasymaldaıtyn kólikter men júk kólikterine ǵana kirýge ruqsat etilgen. Júrgizýshilerdiń dene qyzýy tekserilip jatyr. Kenishke kiretin jerlerde 4 sanıtarlyq beket ornatyldy. Kásiporynnyń ózinde adamdar ara qashyqtyqty saqtap júredi, barlyq óndiris nysandary dezınfektsııalanyp, termometrııalyq skrınıng júrgizilip jatyr.
A.Sokolov
