Teńiz kenishinde aýaǵa zııandy zattar taraldy
ASTANA.QazAqparat - Teńiz munaı kenishinde aýaǵa zııandy zattar taraldy, dep habarlaıdy QR Energetıka mınıstrliginiń baspasóz qyzmeti.
Atyraý oblystyq ekologııa departamentiniń habarlamasyna sáıkes, 30 mamyr kúni saǵat 10.00-der shamasynda Jylyoı aýdandyq prokýratýrasyna Teńizdiń vahtalyq kentindegi qubyrlardan shyqqan zııandy zattardyń atmosferaǵa tarap jatqandyǵy jaıly habarlama kelip túsken. Ken óndirý ornyndaǵy jumysshylar basqa jerge aýystyrylyp, jumys ýaqytsha toqtatyldy.
