Teńiz kenishinde 30 jumysshy koronavırýs juqtyrdy
ATYRAÝ. QazAqparat – Atyraý oblysyndaǵy Teńiz kenishinde 30 jumysshy koronavırýs ınfektsııasyna shaldyqty, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetinen málim etkendeı, keshe Atyraý oblysynda 58 adamnan qaýipti indettiń tabylǵany PTR arqyly rastalǵan.
«Koronavırýs ınfektsııasyna Atyraý qalasynan 13, sondaı-aq, Teńiz kenishinen 30 jumysshy shaldyqty, Al, Jylyoı aýdanynan 10, Qurmanǵazy aýdanynan 5 adamda Sovid-19 belgisi anyqtaldy. Naýqastardyń segizinde ınfektsııa sımptomdy túrde ótýde. Sońǵy málimetke sáıkes, keshe koronavırýs ınfektsııasynan 9 adam emdelip shyqty», dep habarlady basqarmanyń baspasóz qyzmetinen.
Óńirde 229 adam úı jaǵdaıynda emdelip jatyr. Sondaı-aq, oblystyq ınfektsııalyq statsıonarda 49, aýdandardaǵy ınfektsııalyq statsıonarda 6, Teńiz kenishindegi ınfektsııalyq statsıonarynda 229 patsıent em qabyldaýda.
Eske sala ketelik, budan buryn Teńiz kenishindegi statsıonarda 200 naýqas emdelip jatqanyn jazǵan edik.
