Teńiz kenishinde 210 medqyzmetker vaktsına alady
ATYRAÝ. QazAqparat – Atyraý oblysyndaǵy Teńiz kenishinde 90-nan astam qyzmetker koronavırýsqa qarsy vaktsına alǵan. Endi taǵy da 210 adam vaktsına saldyrady, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, ken ornyndaǵy medıtsına qyzmetkerleriniń densaýlyǵyn qorǵaý úshin taǵy da 210 Gam-COVID-Vac (Sputnik V) vaktsınasyn jetkizip berilgen.
«Qazir «Teńizshevroıldyń» 90-nan astam qyzmetkeri vaktsına aldy. Kompanııa Gam-COVID-Vac (Sputnik V) vaktsınasyn kompanııa men merdiger mekemelerdiń barlyq qyzmetkeri úshin satyp alý múmkindigin qarastyryp otyr. Osyǵan oraı «Teńizshevroıl» COVID-19 ınfektsııasynyń odan ári taralaýyna jol bermeý maqsatynda erikti vaktsınalaý baǵdarlamasy úshin vaktsınalardy satyp alýǵa qatysty Qazaqstan Úkimeti tarapynan qoldaý kútedi» -dep habarlady basqarmanyń baspasóz qyzmetinen.
«Teńizshevroıl» klınıkasynyń medıtsınalyq dırektory Abdýlla ıÝsýpbekovtiń aıtýynsha, vaktsınalaýdyń negizgi maqsaty – Teńizdegi jumysshylar arasynda ujymdyq ımmýnıtetti qalyptastyrý.
«Vaktsınalaý – COVID-19 ınfektsııasynan qorǵanýdyń mańyzdy quraly, kompanııa qyzmetin qaýipsiz jalǵastyrýdyń kepili. El ekonomıkasynyń damýyna eleýli úlesin qosatyn kompanııa jumysyn sanıtarlyq-epıdemıologııalyq talaptarǵa saı júzege asyryp otyr. Memlekettik organdardyń usynystaryn qoldanýda. Kompanııa úshin óndiristik jumysty úzdiksiz jalǵastyrý, Keleshek keńeıý jobasynyń-Uńǵy erneýindegi qysymdy basqarý jobasynyń (KKJ-UEQBJ) alǵa basýyn qamtamasyz etý óte mańyzdy» -deıdi Abdýlla ıÝsýpbekov.
Ken ornynda koronavırýsqa qarsy vaktsına alǵandardyń biri – kompanııanyń órt jáne apatty joıý qyzmetiniń medıtsınalyq úılestirýshisi Rýslan Jalǵazın.
«Men únemi medıtsına jańalyqtarynan habardar otyramyn. Jalpy vaktsınalar, sonyń ishinde «Sputnik V» vaktsınasynyń klınıkalyq zertteýler kórsetkendeı, janama áseri joǵyn bildim. Vaktsınasyz qaýipti vırýstyń taralýyn tejeý qıyn bolar edi. Sondyqtan, atalǵan vaktsınanyń eki komponentin aldym. Qazir ózimdi jaqsy sezinýdemin» deıdi ol.
Eske sala ketelik, buǵan deıin Atyraý oblysynda 6 kúnde 721 medagog vaktsına alǵanyn jazǵan edik.
