Teńiz kenishinde 10 myńnan astam adam vaktsına saldyrdy
ATYRAÝ. QazAqparat – Teńiz kenishinde 10 myńnan astam adam vaktsına saldyrdy, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, bıylǵy sáýirde «Teńizshevroıl» kompanııasyna «Spýtnık V» vaktsınasynyń 15 myń dozasy jetkizilgen. Qazir ken ornynda koronavırýs ınfektsııasyna qarsy vaktsına saldyrýǵa 15 myń adam nıet bildirgen.
«Vaktsınalaý erikti júzege asyrylyp jatyr. Osy kezge deıin vaktsınanyń І komponentin 10 myńnan astam adam saldyrdy. «Teńizshevroıl» men seriktester qyzmetkerleri 11 mamyrdan bastap Atyraý, Qulsary, Nur-Sultan, Almaty, Oral, Shymkent, Aqtóbe, Aqtaý jáne Jańaózen qalalaryndaǵy «Medıker» ortalyqtarynan vaktsına saldyra alady», - dedi basqarmadan.
Eske sala ketelik, buǵan deıin Atyraýǵa Hayat-Vax vaktsınasynyń 7,5 myń dozasy jetkizilgen edi.
