Teńiz ken ornyndaǵy vahtalyq kentte órt tutandy
ATYRAÝ. QazAqparat - Teńiz ken ornynda kir jýatyn úı órtendi. Oqys oqıǵa túsirilgen vıdeo áleýmettik jelide qyzý talqyǵa tústi, dep habarlaıdy QazAqparat tilshisi.
Tótenshe jaǵdaılar departamentiniń málimdeýinshe, vıdeoda Atyraý oblysynyń Jylyoı aýdanynda ornalasqan Teńiz ken ornynyń vahtalyq kentteriniń birinde bolǵan órt túsirilgen. Seısenbi kúni keshkisin onda merdiger kompanııalardyń birine tıesili kir jýatyn úı janǵan. Jalyn 140 sharshy metr aýmaqty sharpydy.
Órt kezinde eshkim zardap shekpegen.
Avtor: A. Sokolov
