Teńiz ken ornyndaǵy órtke baılanysty ekologtar tekserý júrgizedi
Budan buryn 1 naýryzda «Nasar Solutions» JShS-niń óndiristik bazasyndaǵy munaı qaldyǵyn óńdeý tsehynda órt shyqqanyn habarlaǵan edik.
Bul seriktestik qaýipti qaldyqtardy óńdep, zalalsyzdandyrady.
Seriktestiktiń ashyq aýmaǵynda bir-birine jaqyn turǵan 20 konteıner men metall bóshkelerde, sondaı-aq, plastmassa ydystarda saqtalǵan tez tutanatyn suıyq qaldyqtar janǵan.
Órt 2 800 sharshy metrdi quraıtyn aýmaqty sharpydy.
Oqıǵa ornyna «Teńizshevroıl» JShS-niń órt sóndirý jáne apattyq qutqarý qyzmetiniń qyzmetkerleri jedel jetti.
«Nasar Solutions» JShS-niń 15 qyzmetkeri qaýipsiz jerge evakýatsııalandy.
«Oblystyq ekologııa departamentiniń mamandary «Nasar Solutions» JShS-ne qatysty tekserý júrgizilip, órttiń shyǵýyna ne sebep bolǵanyn anyqtaıdy. Qazir tekserý júrgizýge baılanysty másele qarastyrylyp jatyr. Tekserý nátıjesi qosymsha habarlanady», -dep málim etti departamentten.
