Teńiz ken ornyndaǵy qurylys jumystary qus uıasyna baılanysty toqtatylǵan
«Teńizshevroıl» JShS baspasóz qyzmetiniń málimetinshe, Teńiz kenishindegi Keleshek keńeıý jobasy aıaqtalýǵa jaqyn. Soǵan baılanysty úshinshi býyn zaýytynyń qurylys alańyndaǵy keıbir nysandar buzylyp, orny tazartylyp jatyr.
«Alaıda, nysannyń birinen qus uıasy tabyldy. Uıada áli qanattanbaǵan balapandar boldy. Soǵan baılanysty jumysshylar buzý jumystaryn eki aptaǵa toqtatty. Kompanııa ekologteri balapandardyń qaýipsizdigi úshin uıanyń aınalasyn 10-15 metr radıýsta qorshady. Jumysshylar kishkentaı balapandardyń qanattanyp, ushyp ketkenshe shydamdylyq tanytty. Keshe, 5 shildede balapandar uıasynan ushyp ketti», - dep habarlady kompanııanyń baspasóz qyzmeti.
Eske sala ketelik, buǵan deıin Kaspıı qubyr konsortsıýmy Teńiz munaıyn tasymaldaýdy qaıta bastaǵanyn habarlaǵan bolatynbyz. Kaspıı qubyr konsortsıýmynyń baspasóz qyzmetinen málim etkendeı, Mańǵystaý men Atyraý oblysynyń elektr jelisindegi aqaýdan keıin KQK-nyń munaı aıdaý stantsııalary apatty túrde ajyratylǵan. Qazir KQK-nyń energııamen jabdyqtaý júıesindegi kerneý turaqtandy.
«Teńiz jáne Atyraý munaı aıdaý stantsııalary qaıta iske qosyldy. Konsortsıým Atyraý oblysyndaǵy Teńiz ken ornynan munaı qabyldaýdy qaıta bastady. Munaı qubyryna shıkizat negizinen Batys Qazaqstandaǵy ken oryndarynan qabyldanady. Qubyrdaǵy munaı Qara teńizdegi Novorossıısk portyna taıaý ornalasqan Ońtústik Ozereevka aýylyndaǵy termınǵa deıin jetkiziledi. Keıin álemdik naryqqa jóneltý úshin tankerlerge tıeledi», - dep habarlady konsortsıýmnyń baspasóz qyzmetinen.
