Teńiz ken ornynda jerasty dúmpýi sezildi
ATYRAÝ. QazAqparat – Búgin seısmıkalyq belsendilik Atyraý oblysyndaǵy Teńiz munaı-gaz ken orny aýmaǵynda tirkeldi, dep habarlaıdy QazAqparat.
«Seısmıkalyq belsendilik Teńiz ken ornynyń kadrlary men óndiriske áser etken joq. Teńiz jáne Korolev ken oryndary geologııalyq turǵydan turaqty aımaqta, belsendi taqtalardyń nemese seısmıkalyq beldeýlerdiń belgili shekaralarynan shamamen 600 shaqyrym qashyqtyqta ornalasqan. TShO-nyń baqylaýy boıynsha, atalǵan ken oryndarynda shógý men mıkroseısmıkalyq jaǵdaı qaýipsiz jáne turaqty deńgeıde», - dep málimdedi QazAqparat tilshisine «Teńizshevroıl» JShS baspasóz qyzmeti.
Baspasóz qyzmeti ken oryndarynda sezilgen silkinisterdiń kúshi týraly naqtylaý júrgizilgennen keıin habarlaýǵa ýáde berdi.
A.Sokolov
