Teńiz ken ornynda tehnologııalyq gaz aýaǵa taraldy

ATYRAÝ. QazAqparat - Atyraý oblysyndaǵy «Teńizshevroıl» JShS-nyń Teńiz munaı-gaz kenishinde kýágerler tehnologııalyq gazdyń aýaǵa taralýyn beınejazbaǵa túsirip aldy, dep habarlaıdy QazAqparat.

Gazdyń atmosferaǵa taralýy senbi kúni bolǵan. Oqıǵany vıdeoǵa túsirip alǵan kýágerler áleýmettik jelilerge júkteı bastady. Munaı ázirleý jónindegi qondyrǵy qubyrlarynyń ár tusynan túsirilgen vıdeoda odan tútin sekildi aqshyl tústi gazdyń shyǵyp jatqanyn kórýge bolady.

Beınejazba zaýyttan qashyqta túsirilgen, onda Teńizde «qyzmetkerlerdi evakýatsııalaý júrgizildi» dep túsindiriledi.  

TShO kompanııasynyń baspasóz qyzmeti «QazAqparat» HAA tilshisine demalys kúnine baılanysty, «qajetti aqparat dúısenbi kúni usynylady» dep málim etti. 

Avtor V.Sýtıagın