Teńiz ken ornynda tamaqtan ýlanǵan 11 adam aýrýhanada jatyr
Atyraý oblystyq sanıtarlyq-epıdemıologııalyq baqylaý departamentiniń baspasóz qyzmetinen málim etkendeı, Teńiz ken ornynda tamaqtan ýlanǵan 30-dan astam jumysshy medıtsınalyq kómekke júgingen.
«Jumysshylardyń barlyǵy «KazPromStroı Injınırıng» JShS-ǵa tıesili ashanada túski as ishken. Alǵashqy kómek kórsetilgennen keıin jumysshylardyń kópshiligi ambýlatorııalyq emdelýge jiberildi. Jylyoı aýdanynyń ortalyǵy – Qulsary qalasyndaǵy ortalyq aýrýhanaǵ on bir adam jetkizildi. Naýqastarda qusý, dıareıa, bezgek, bas aýrýy, jalpy álsizdik baıqalǵan. Aldyn ala dıagnoz – taǵamdyq toksıkoınfektsııasy», -dep habarlady departamenttiń baspasóz qyzmeti.
Tamaqtan ýlanyp, aýrýhanaǵa túsken naýqastardyń jaǵdaıy ortasha aýyr dep baǵalanǵan.
Atyraý oblystyq sanıtarlyq-epıdemıologııalyq baqylaý departamentiniń mamandary jumysshylar tamaqtan ýlanǵan ashanadan synama alyp, Ulttyq saraptama ortalyǵyna jiberdi. Zerthanalyq zertteýlerdiń nátıjeleri úsh kún ishinde alynady.
Departament mamandary jumysshylar ttúski as ishken ashananyń jumysyna jospardan tys tekserý júrgizýdi josparlap otyr.
Budan buryn Teńiz ken ornynda 30-dan astam jumysshy tamaqtan ýlanyp qalǵan edi.
Ken ornyndaǵy ınvestıtsııalyq jobany iske asyrýǵa tartylǵan otandyq merdiger – ISKER JShS-niń 30-dan astam jumysshysy tamaqtan ýlanyp qalǵan. Olar vahtalyq kenttegi ashanadan túski as ishken. Tamaq ishkennen keıin ózderin jaısyz sezingen jumysshylar dárigerlik kómekke júgingen.
ken ornyndaǵy medıtsınalyq klınıkada tamaqtan ýlanǵan jumysshylarǵa alǵashqy kómek kórsetilgen. Sodan soń olardyń bir toby aýrýhanaǵa jatqyzylǵan. Jeńil dárejede zardap shekken jumysshylardyń keıbiri jataqhanaǵa jiberilgen.
Foto: businesswire.com