Teńiz ken ornynda polıtsııa bólimshesi ashyldy
ATYRAÝ. QazAqparat - Atyraý oblysyndaǵy Teńiz ken ornynda jańa polıtsııa bólimshesi ashyldy, dep habarlaıdy «QazAqparat» HAA tilshisi.
«Bólimshe 40 myńǵa jýyq adam turatyn Teńiz vahtalyq kentinde ashyldy. Olar úshinshi zaýyttyń qurylysynda jumys isteıdi. Kenttegi quqyqtyq tártipti qamtamasyz etýmen 27 polıtsııa qyzmetkeri aınalysatyn bolady», - dep habarlady aımaqtaǵy polıtsııa departamentiniń baspasóz qyzmeti.
Jańa ǵımaratta kezekshilik bólim, tergeýshi men ustalǵan azamattarǵa arnalǵan arnaıy bólme jasaqtalǵan. Kúdikti tulǵalardy tergeýge arnalǵan bólmege aýdıo jáne vıdeo qurylǵylar ornatylǵan.
Aıta keteıik, Teńiz ken ornynda munaı óndirisin jylyna 28 mln tonnadan 39 mln tonnaǵa deıin arttyrý jumystary júrgizilip jatyr. Joba boıynsha vahtalyq tásilmen 100 myńǵa jýyq adam - tutas qala turǵyndary jumyspen qamtylatyn bolady.
