Teńiz ken ornynda medıtsınalyq tekserý kúsheıedi
ATYRAÝ. QazAqparat – Teńiz ken ornynda JITS juqtyrǵandar kóbeıýine baılanysty «Teńizshevroıl» JShS medıtsına qyzmetine tekseristi kúsheıtý talaby qoıyldy, dep habarlaıdy QazAqparat tilshisi.
«Densaýlyq saqtaý basqarmasy TShO medıtsına qyzmetinen Teńiz ken ornynda vahta rejıminde jumys istep júrgenderdiń AITS-pen aýyrýyna baılanysty epıdemııalyq jaǵdaıdy baqylaýdy kúsheıtýin surady. Mundaı jaǵdaı qaıtalanbaýy úshin. Eger TShO medıtsına qyzmetine kómek nemese mamandar keńesi qajet bolsa, densaýlyq saqtaý basqarmasy ázir», - dep málimdedi oblystyq densaýlyq saqtaý basqarmasynyń baspasóz qyzmeti.
Eske sala keteıik, buqaralyq aqparat quraldarynda osyǵan deıin Oraldyń tórt turǵyny JITS juqtyrǵany týraly aqparat taraǵan bolatyn. Olardyń barlyǵy da «Teńizshevroıl» kompanııasynyń Teńiz kenishinde vahtalyq ádispen jumys istep júrgen degen aqparat bar. Qazirgi tańda vırýs juqtyrǵan 4 adamnyń ekeýi ǵana Teńizde bolǵany anyqtaldy.
Avtory: A.Sokolov
