Teńiz ken ornynda qyzmetkerlerdiń 92 paıyzy vaktsına saldyrdy

ATYRAÝ. QazAqparat – Atyraý oblysyndaǵy Teńiz ken ornynda jumys isteıtin qyzmetkerlerdiń 92 paıyzy koronavırýs ınfektsııasyna qarsy vaktsına saldyrdy, dep habarlaıdy QazAqparat.

«Teńizshevroıl» JShS baspasóz qyzmetiniń málimetinshe, ken ornyna jumysqa tartylǵan

48 myńnan astam adam vaktsınanyń І komponentin ektirgen. Onyń ishinde 37 myńnan

astamy vaktsına tolyq komponentin alǵan.

«Kompanııa ken ornynda qaýipti vırýstyń taralýyn boldyrmaý úshin qyzmetkerler men

jumysshylardyń vaktsına saldyrýyna bar múmkindikti jasap otyr. «Teńizshevroıl» JShS men seriktes mekemelerdiń qyzmetkerleri Atyraý, Qulsary, Nur-sultan, Almaty, Oral, Aqsaı, Shymkent, Aqtóbe, Aqtaý, Qyzylorda, Taraz, Kókshetaý, Túrkistan, Taldyqorǵan jáne Jańaózen qalalaryndaǵy «Medıker» ortalyqtarynda vaktsına saldyra alady. Bul elimizdiń basqa óńirlerinde turatyn áriptesterimiz úshin yńǵaıly», - dep habarlady kompanııanyń baspasóz qyzmeti.

Eske sala ketelik, buǵan deıin Teńiz ken ornynda vahtalyq aýysym ýaqytsha toqtatylatynyn jazǵan edik.