Teńiz ken ornynda bolǵan órtte bir tehnıka janyp ketti
ATYRAÝ. QazAqparat – Atyraý oblysyndaǵy Teńiz ken ornynda bolǵan órt kezinde bir tehnıka janyp ketti, dep habarlaıdy QazAqparat.
Budan buryn Teńiz ken ornynda merdigerlik mekemeniń tsehy órtengenin jazǵan edik.
Búgin, 1 naýryzda jergilikti ýaqytpen saǵat 16:40-ta Teńiz ken ornyndaǵy jobanyń merdigeri – «Nasar Solution» JShS-niń óndiristik tsehynan órt shyqqan. Jalyndy aýyzdyqtaýǵa TShO-nyń órt sóndirý-apattyq qutqarý qyzmetiniń qyzmetkerleri jedel jetti. Al, merdiger kompanııanyń 15 qyzmetkeri qaýipsiz jerge evakýatsııalandy.
«Jylyoı aýdanyndaǵy Teńiz ken ornynda «Nasar Solution» JShS-niń ashyq aýmaǵynda bir-birine jaqyn turǵan 20 konteıner men metall bóshkelerde, sondaı-aq, plastmassa ydystarda saqtalǵan tez tutanatyn suıyq qaldyqtar janǵan. Jalpy aýmaǵy shamamen 2 800 sharshy metrdi sharpyǵan órttiń saldarynan «Car» markaly 1 júk kótergish tehnıka janyp ketti. Jalyn saǵat 19:46-da oqshaýlanyp, saǵat 20:30-da sóndirildi», -dep málim etti oblystyq tótenshe jaǵdaılar departamentiniń baspasóz qyzmetinen.
Órtti sóndirýge TShO-nyń órt sóndirý-apattyq qutqarý qyzmetiniń 17 qyzmetkeri men 4 tehnıkasy, «COCR» JShS-niń 6 qyzmetkeri men 2 tehnıkasy, oblystyq tótenshe jaǵdaılar departamentiniń 12 qyzmetkeri men 2 tehnıkasy jumyldy.
