Teńiz ken ornyn keńeıtý jobasyna Qazaqstannyń qatysýy 30%-dan asady - Q.Bozymbaev

ASTANA. Qazaqparat - Batys Qazaqstan oblysynda ornalasqan Teńiz ken ornynda óndiristik qýattylyqty arttyrý jobasyndaǵy qazaqstandyq úles 30%-dan asady. Bul týraly QR energetıka mınıstri Qanat Bozymbaev habarlady.

«Qazirgi tańda TShO Teńiz ken ornyndaǵy keı qurylys jumystaryn oryndaýǵa kiristi. Jobalaý, satyp alýlar, keńeıtý jobasy úshin modýlder daıyndaý boıynsha qyzmet kórsetýge kóptegen qazaqstandyq jetkizýshiler tartyldy.  Jalpy bul jobaǵa Qazaqstannyń qatysýynyń úlesi 30%-dan asady dep boljanǵan», - dedi ol.

Eske sala keteıik, «Teńizshevroıl» JShS Batys Qazaqstanda ornalasqan Teńiz ken ornynyń óndiristik qýattylyǵyn arttyrýdyń kelesi satysy bolyp tabylatyn Keleshek keńeıý jobasy men Uńǵy erneýindegi qysymdy basqarý jobasyn (KKJ-UEQBJ) qarjylandyrýǵa qatysty aqyrǵy sheshimniń qabyldanǵany týraly habarlaǵany týraly jazyldy. KKJ-UEQBJ quny 36,8 mlrd. AQSh dollaryna baǵalandy.

«Joba seriktesterdiń qarjysyna júzege asady, biz jobany qarjylandyrý úshin qoldanystaǵy aqsha aınalymyn paıdalanamyz, qarjylandyrýdyń bir bóligi halyqaralyq nesıe naryǵynan túsedi», - dedi TShO bas dırektory Ted Etchıson.