Teńiz ken orny ashylǵaly Qazaqstanǵa 132 mlrd dollar tabys ákeldi
«1993 jyldan 2018 jyldyń qyrkúıegine deıin TShO kompanııasynyń Qazaqstan Respýblıkasyna tikeleı quıǵan qarjylaı tólemderi 132 mıllıard AQSh dollarynan asty. Osy somanyń ishine qazaqstandyq qyzmetkerlerge tólengen jalaqy, otandyq taýar óndirýshiler men qyzmet kórsetýshilerdiń taýarlary men qyzmetteriniń tólemderi, memlekettik kásiporyndarǵa tólengen tólemder, qazaqstandyq serikteske memlekettik bıýdjetke aýdarylatyn salyqtar jáne roıaltı túrindegi dıvıdend tólemderi de kiredi. 2018 jyldyń úsh toqsanynda Qazaqstan Respýblıkasyna tikeleı tólemder 7,2 mıllıard AQSh dollarynan asty», - dep málimdedi kompanııanyń baspasóz qyzmeti.
Buǵan deıin, Teńiz ken ornynda bıylǵy qańtar-qyrkúıek aılarynda 21,5 mln tonna nemese 171,3 mln barrel munaı, 1 mln tonna suıytylǵan gaz, 6,9 mlrd tekshe metr qurǵaq gaz jáne 1,8 mln tonna kúkirt óndirilgenin habarlaǵan bolatynbyz.
