Teńiz kemesi ekıpajdarynyń músheleri sý kóligi kásiporyndaryndaǵy jumysy kezeńinde áskerı qyzmetten bosatylady
ASTANA. 7 tamyz. QazAqparat - Teńiz kóligi mamandarynyń tapshylyǵyn qysqartý maqsatynda «Áskerı qyzmet jáne áskerı qyzmetshilerdiń mártebesi týraly» Zańǵa tıisti ózgertý engizilip otyr.
Sondaı-aq, maman tapshylyǵy men bilim berý sapasyn jaqsartý problemasyn sheshý úshin «Saýda maqsatynda teńizde júzý týraly» Zań teńizshilerdi daıarlaýdy júzege asyratyn bilim berý uıymdaryn sertıfıkattaý, teńizshilerdi daıarlaýdy kýálandyrý formasy men tizimin bekitý, teńiz kóligi mamandaryn daıarlaýda bilim mekemeleriniń sýda júzý tájirıbesin uıymdastyrýdy qamtamasyz etý normalarymen tolyqtyryldy. Bul týraly Kólik jáne kommýnıkatsııa mınıstrliginiń baspasóz qyzmetinen habarlady.
Búgingi kúni otandyq teńizde júzý kemeleri kompanııalary tek munaı tasymaldaýmen ǵana shuǵyldanady, al qalǵan qurǵaq jáne paromdyq júkterdi sheteldik kompanııalarmen tasymaldaıdy. Qazaqstandyq keme kompanııalarynyń básekege qabilettiligin arttyrý úshin atalǵan zańǵa halyqaralyq teńiz kemesi tizilimin qurý, sonyń aıasynda otandyq tasymaldaýshylarǵa salyqtyq jáne kedendik jeńildikter qarastyrylǵan norma engizilip otyr.
QR Halyqaralyq kemeler tizilimin qurýǵa baılanysty Salyq kodeksine ózgertýler engizildi. Soǵan sáıkes, endigi jerde atalǵan tizilimge ózderiniń kemelerin tirkegen kompanııalar kólik salyǵynan bosatylatyn bolady.
Sondaı-aq, «Saýda maqsatynda teńizde júzý týraly» Zańy arqyly Qazaqstan Respýblıkasynyń Teńiz ákimshisi retinde QR Kólik jáne kommýnıkatsııa mınıstrligi belgilenip, onyń teńiz aılaǵynyń shekarasyn ornatýdaǵy quzyrettiligi kórsetilgen.
«Іshki sý kóligi týraly» Zańǵa da ózgertýler engizildi. Atap aıtqanda, gıdrotehnıkalyq qurylystardy (shlıýz) jóndeý jáne tekserý, tehnıkalyq qoldanysqa berý erejesin bekitý, sondaı-aq, júzý qaýipsizdigi men eńbek qaýipsizdigin qamtamasyz etýge baılanysty ózgertýler jasaldy.
Qabyldanǵan ózgertýler kólik qyzmetiniń qaýipsizdigi men sapasyn, elimizdiń tranzıttik áleýetin arttyrýǵa, turaqty da ornyqty ınfraqurylym qalyptastyrýǵa jáne respýblıka zańdaryn halyqaralyq normalarmen úılestirýge baǵyttalǵan.
