Teńiz daýylynan qashqan Taılandtaǵy týrıster araldarda adasyp ketken - BAQ
ASTANA. QazAqparat - «Pabýk» tropıkalyq daýylynyń jaqyndaýyna baılanysty myńdaǵan týrıst Taılandtyń kýrortty aımaqtarynan ketip jatyr. Daýyl ózimen birge nóser jaýyn, quıyndy jel jáne 22 fýttyq tolqyn ákeledi dep kútilýde. Bul týraly beısenbi kúni el sheneýnikteri málim etti, dep habarlaıdy QazAqparat Daily Mail agenttigine silteme jasap.
Osy ýaqytta Taılandtyń Ko Pangan, Ko Tao jáne Samýı kýrorttyq aımaqtary tolyǵymen derlik bosap qalǵan. Týrıster júkterin paromdarǵa tıep, kontınentaldyq Taılandqa jetip úlgerýge asyqqan.
Jergilikti bıliktiń baǵalaýynsha, kontınentaldyq Taılandqa 50 myńǵa jýyq demalýshy bet alǵan. Biraq, kópshiliktiń aıtýynsha, olar araldarda adasyp ketken.
Bul, mýssondar maýsymynan tys mezgilde Taılandqa sońǵy 30 jylda tóngen alǵashqy tropıkalyq daýyl. «Pabýktyń» araldarǵa juma kúni keshke jetetini boljanýda.
Adamdardy evakýatsııalaý týraly resmı buıryq bolǵan joq. Alaıda týrıster qaýipti aımaqty óz betterimen tastap ketýde.
Daýyl eldiń ońtústik aımaqtarynda, sonyń ishinde Andaman teńiziniń Krabı jáne Malaızııamen shekaralas ońtústik provıntsııalar - Pattanı, Narathıvat jáne ıAlada týrıstik aımaqtarynda kútilip otyr.
