Tenısten Devıs kýbogy jolynda Qazaqstan quramasy Ispanııamen kezdesedi
ASTANA. 11 qańtar. QazAqparat - Ústimizdegi jylǵy 10-12 aqpan kúnderi Ispanııanyń Oveda qalasynda tenısten Devıs kýbogy jolynda Qazaqstan men Ispanııa quramalary kezdesedi.
«Alaman» ulttyq sport portalynyń málimetine qaraǵanda, byltyr ózin jaqsy qyrynan kórsetip, Shveıtsarııa, Chehııa quramalaryn tize búktirgen el quramasy 1/4 fınalda Argentınaǵa jol bergen edi.
Degenmen, otandyq qurama álemdik elıtada óz ornyn saqtap qaldy. Bir aıdan soń olar Devıs kýbogynyń qazirgi jeńimpazymen aıqaspaq. Bul kezdesý bastapqyda Madrıd qalasynda ótedi dep kútilgen. Alaıda, Ispanııa tarapy ony Oveda qalasynda ótkizýge bel býypty. Kezdesý 3750 kórermen sııatyn «Palacio de los Deportes» stadıonynda ótedi.
«Ispanııaǵa Qazaqstannan 6 jýrnalıst pen 11 jankúıer attanady»,- dep habarlady Qazaqstannyń Tennıs federatsııasy.
