Tengri Ultra marafonyna múmkindigi shekteýli sportshylar da qatysady
ALMATY. QazAqparat - Tengri Ultra marafonynyń qatysýshylary jyl saıyn artyp keledi, dep habarlaıdy QazAqparat tilshisi.
Bıyl marafonda paraatletterge arnalǵan sanat ashylady.
«Bıyl marafonǵa qulaǵynda múkisi bar jáne kózi nashar kóretin azamattar qatysady. Olar úshin shaqyrymǵa sozylǵan qashyqtyqtan kedergilerdiń bárin alyp tastadyq. 10 zaǵıp sportshy startqa shyǵady. Olar el qatarly júgiredi. Biraq olardyń qashyqtyǵy qysqa bolmaq ári marapattaý bólek ótedi», - dedi jarys dırektory Tımýr Artıýhın.
Sonymen qatar, uıymdastyrýshylardyń aıtýynsha, bıyl qatysýshylar skandınav júrisi boıynsha 35 shaqyrymǵa ári 15 shaqyrymǵa jarysatyn bolady.
«Jaqsy upaı jınaǵan sportshylar Reseıdiń Máskeý qalasynda ótetin Bas júlde jarysyna qatysatyn bolady», - dedi uıymdastyrýshylardyń Maksım Proşenko. 
Aıta ketý kerek, aıtýly sport sharasy Qazaqstanda ǵana emes shetelde de tanymal bolyp keledi. Jarysatyn 1 200 adamnyń jartysyna jýyǵy sheteldikter.
Tengri Ultra upaılary halyqaralyq UTMB-2018 marafonyna qatysýǵa múmkindik beredi jáne ol Asian Trail Masters kúntizbesine enedi.
Marafon Іle ózeniniń jaǵalaýynda Tamǵaly tas shatqalynda ótedi.
