Tengri Bank nelikten lıtsenzııasynan aıyryldy

NUR-SULTAN. QazAqparat - QR QM Qarjy monıtorıngi komıtetiniń tóraǵasy Janat Elımanov Tengri Bank-tiń lıtsenzııasynan aıyrylýyna qatysty pikir bildirdi, dep habarlaıdy QazAqparat tilshisi.

«Ekonomıkalyq tergeýler qyzmeti óndirisinde Tengri Bank basshylyǵyna qatysty is joq. Bul isti basqa organdar tergep jatyr. Sondyqtan eshqandaı pikir bildire almaımyn. Bul salada ol basqa organdardyń quziretine kiredi. Іs bas prokýratýranyń, arnaýly prokýrorlardyń óndirisinde. Qazirgi ýaqytta bul istiń qaıda jatqany maǵan belgisiz», - dedi ol Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.

Aıta keteıik, Qarjy naryǵyn retteý jáne damytý agenttigi Tengri Bank-ti banktik jáne ózge de operatsııalardy júrgizý jónindegi lıtsenzııasynan aıyrdy .

«Qazaqstannyń depozıtterge kepildik berý qory» AQ (QDKBQ) kepildik berilgen ótemdi depozıttegi qaldyq soma sheginde, bank lıtsenzııasynan aıyrylǵan kúnge qaraı eseptelgen syıaqyny eskere otyryp tóleıdi : teńgedegi jınaq depozıtter boıynsha – 15 mln teńgeden; teńgedegi basqa depozıtter boıynsha – 10 mln teńgeden; shetel valıýtasyndaǵy depozıtter boıynsha – valıýta balamasynda 5 mln teńgeden aspaıdy (bank lıtsenzııasynan aıyrylǵan kúni belgilengen valıýta aıyrbastaý baǵamy boıynsha).