Teńgeniń nyǵaıýy ımport qunyn tómendetti — Ulttyq bank tóraǵasy
ASTANA. KAZINFORM — Teńge baǵamynyń nyǵaıýy shetelden ákelinetin taýarlardyń baǵasyna áser etip, eldegi ınflıatsııanyń tómendeýine yqpal etip otyr. Bul týraly Ulttyq bank tóraǵasy Tımýr Súleımenov aıtty.
Onyń aıtýynsha, teńgeniń nyǵaıýyna júrgizilip otyrǵan aqsha-kredıt saıasaty men munaı baǵasynyń teńge baǵamyna oń áseri yqpal etken.
— Teńgeniń nyǵaıýy ımportqa ketetin shyǵyndy azaıtyp, baǵa ósimin tejeýge yqpal etip otyr. Sonyń nátıjesinde azyq-túlikke jatpaıtyn taýarlar baǵasynyń ósý qarqyny tamyzda 11,4%-ǵa deıin baıaýlady, — dedi Ulttyq bank tóraǵasy.
Spıkerdiń deregine qaraǵanda, jalpy tamyzda Qazaqstandaǵy jyldyq ınflıatsııa 9,8%-ǵa deıin tómendedi. Azyq-túlik ınflıatsııasy 9,5% boldy. Buǵan kókónis pen jemis-jıdektiń arzandaýy jáne ımporttyq taýarlar baǵasynyń tómendeýi áser etken.
Aıta keteıik, buǵan deıin Ulttyq bank bazalyq mólsherlemeni 16,25%-ǵa deıin tómendetkeni habarlandy.
