Teńgeniń nyǵaıýyna vaktsına týraly jaǵymdy jańalyqtar yqpal etti – Ulttyq bank
ALMATY. QazAqparat – QR Ulttyq bank tóraǵasynyń orynbasary Álııa Moldabekova teńgege vaktsına týraly jańalyqtar qalaı áser etkenin aıtty, dep habarlaıdy QazAqparat tilshisi.
Ótken aptada vaktsınanyń sátti synaǵy týraly jańalyq shyǵyp, álemdik naryqtarda eıforııa týǵyzdy.
Osynyń aıasynda munaı baǵasy sharyqtap ketti, odan keıingi vaktsınany jappaı paıdalanýǵa berý jyldamdyǵyna jáne AQSh-taǵy munaı qorynyń ósýine synı kózqaras túzetýdi týyndatyp, naryqqa yqpal etti.
Munaı baǵasynyń jan-jaqty serpini teńgege de áser etti.
«COVID-19-ǵa qarsy Pfizer jáne BioNTech vaktsınasynyń klınıkalyq synaqtarynyń úshinshi kezeńi týraly 9 qarashada shyqqan jańalyq ótken aptada álemdik qarjy naryqtarynyń qozǵaýshy kúshi boldy. Vaktsınanyń tıimdiligi týraly jaqsy jańalyqtar aıasynda taýar naryqtarynda oń serpin jáne ınvestorlardyń táýekelge áýestiginiń artýy baıqaldy. Qor ındeksteri men munaı baǵasy ótken aptany senimdi ósýden bastady. Sársenbide qyrkúıekten beri alǵash ret etalondyq Brent surypty munaıdyń baǵasy bir barrel úshin $45 belgisinen joǵary kóterildi, bul damýshy elderdiń valıýtalaryna oń áser etti. Bizdiń ulttyq valıýtamyz da bir dollar úshin 427,26 teńge deńgeıine deıin nemese aptanyń basyna qatysty 1,2%-ǵa nyǵaıdy», - deıdi Álııa Moldabekova.
Alaıda, epıdemıologııalyq jaǵdaıdyń nasharlaýy beısenbide Halyqaralyq energetıkalyq agenttiktiń 2020 jyly munaıǵa álemdik suranys boıynsha boljamyn tómendetti.
Al AQSh-tyń energetıka mınıstrligi táýligine 488,7 mıllıon barrelge deıin, ıaǵnı munaı qorynyń bir aptada 0,9%-ǵa ósimi týraly derekterdi jarııa etti.
Jappaı vaktsınatsııanyń merzimi jáne munaıǵa degen suranystyń pandemııa aldyndaǵy deńgeılerge deıin qalpyna kelý perspektıvalarymen qosa jarııalanǵan statıstıka álem naryqtaryndaǵy baǵa jarysyn toqtata turdy.
Apta sońynda munaı baǵasyn túzete otyryp tómendetýge sebep boldy.
Teńge baǵamy soǵan qaramastan, bir aptada 0,4%-ǵa nyǵaıyp, 430,52 deńgeıine qaıtyp keldi.
AQSh-tyń bırja ındeksteri aptany pozıtıvti aıaqtady. S&P 500 keń naryq ındeksi 1,36%-ǵa ósti, al Dow Jones ındeksi beısenbide jabylǵandaǵymen salystyrǵanda 1,37%-ǵa ósti.
Negizgi eýropalyq qor bırjalary da jumada kóbine ósip otyrdy, frantsııalyq CAC 40 - 0,33%-ǵa ósti, nemis DAX ındeksi - 0,18%-ǵa kóterildi.
