Teńgeniń nyǵaıýyna ne áser etti – Ulttyq bank
«Eń aldymen, teńgeniń nyǵaıýyna munaı baǵasynyń ósýi áser etti. Brent etalondyq surypty munaı baǵasyn belgileý beısenbiniń ashylý baǵasymen salystyrǵanda, juma kúni tańerteń 5%-dan astam qosyp, buryn qol jetkizilgen eń joǵary mánderge qaıta oraldy. Munaı eksporttaýshy elder uıymy sáýirde óndiris kólemin ózgerissiz saqtaý týraly kútpegen sheshim shyǵardy. Bul sheshim munaı naryǵynda qalyptasqan jaǵdaıǵa sebep boldy. Sonymen qatar, Saýd Arabııasy óndiristi kúnine 1 mln barrelge erikti túrde qysqartýdy saqtaǵysy keletin nıetin jetkizdi», - deıdi Nurjan Tursynhanov.
MEEU+ mınıstrler kezdesýi 4 naýryzda beısenbide ótken bolatyn. Buǵan deıin kezdesý qorytyndysy boıynsha, elder óndirýdi kúnine 0,5 mln barrelge arttyrady dep kelisilgen bolatyn.
«Ekinshi jaǵynan, kóptegen valıýtalarǵa qarsy AQSh dollarynyń nyǵaıýy baıqaldy. FRJ jumyspen qamtý men ınflıatsııada aıtarlyqtaı ilgerileýge deıin yntalandyrýshy monetarlyq saıasatty saqtaýǵa mindetteme bergenin málimdegenimen Dj. Paýell óziniń Wall Street Journal-ǵa bergen keshegi suhbatynda jyl basynan beri oblıgatsııalar kiristiliginiń ósýine asa kóp alańdaýshylyq bildirmedi. FRJ basshysynyń suhbaty AQSh memlekettik qundy qaǵazdarynyń kiristiliginiń ósýine taǵy bir serpin berdi. 10 jyldyq qazynashylyq oblıgatsııanyń kiristiligi 2020 jylǵy aqpannyń ortasynan bastap alǵash ret 1,57% deńgeıine jetti. Bul Emerging markets tartymdylyǵynyń tómendeýine áser etti», -deıdi Ulttyq Banktiń Monetarlyq operatsııalar departamenti dırektory.
FRJ basshysynyń málimdemesi AQSh dollarynyń álemdik valıýtalarǵa, onyń ishinde damýshy elderdiń valıýtalaryna qatysty nyǵaıýyna yqpal etti. Ońtústik Afrıka randy beısenbi kúni tańerteńnen bastap juma aralyǵynda 1,5%-ǵa, Brazılııa realy 0,9%-ǵa, Meksıka pesosy 0,8%-ǵa álsiredi.
Teńgege qysymnyń qosymsha faktory Reseı rýbliniń álsireýi boldy. Ol Bloomberg habarlamasy aıasynda AQSh pen Ulybrıtanııa hımııalyq qarýdy paıdalanǵany úshin Reseıge qarsy qosymsha sanktsııalar engizý múmkindigin talqylaıtyn derekkózderge silteme jasaı otyryp, 0,7%-ǵa arzandady. AQSh sońǵy shara retinde EO-pen birge derbes boryshqa sanktsııalar engizý týraly máseleni qarastyratyny týraly habarlady. RF OB derekteri boıynsha, sheteldik ınvestorlar jalpy naryqtyń 23,4%-yn ıelene otyryp, federaldyq boryshtyń rýbldegi oblıgatsııalarynda 42,8 mlrd dollar ustaıdy», - dedi N.Tursynhanov.