Teńgeniń nyǵaıýy nemen baılanysty - sarapshy pikiri

ALMATY. QazAqparat - Qazaqstan qor bırjasy basqarma tóraǵasynyń orynbasary (KASE) Andreı Tsalıýk ulttyq valıýtanyń kúsheıý faktorlaryn atady, dep habarlaıdy QazAqparat tilshisi.

«Dollar 4 teńgege arzandady. Munaı 3 kún qatarynan qymbattap keledi. Sonymen qatar, rýbl de dollarǵa qaraǵanda kúsheıip keledi. Meniń oıymsha bar sebep osynda bolsa kerek. Taǵy bir máseleni aıtar bolsaq, naryq óte názik. 60 -70 mln AQSh dollary, bul salystyrmaly túrde óte az. Sondyqtan, teńgeniń qubylmalyǵy joǵary bolyp tur. Oǵan qosa munaı baǵasynyń bolashaqtaǵy boljamy bulyńǵyr. Barlyǵy sanktsııalyq saıasat pen AQSh-Qytaı arasyndaǵy qarym-qatynasqa baılanysty bolyp tur», - dedi Andreı Tsalıýk.

Aıta ketý kerek, KASE tańerteńgi sessııasynda AQSh dollarynyń ulttyq valıýtaǵa shaqqandaǵy baǵamy 365,48 teńge boldy. Onyń aldynda beısenbi kúni  dollar baǵamy 4,57 teńgege túsken bolatyn.