Teńgeniń dollarǵa shaqqandaǵy baǵamy sáýir aıynda 4,6 paıyzǵa nyǵaıdy - Ulttyq bank
ALMATY. QazAqparat - 2016 jyldyń sáýir aıynda teńgeniń AQSh dollaryna shaqqandaǵy aıyrbas baǵamy bir dollar úshin 327,66 - 345,52 teńge aýqymynda ózgerip otyrdy.
Sáýir aıynyń sońyna qaraı, teńgeniń AQSh dollaryna shaqqandaǵy bırjalyq baǵamy bir dollar úshin 327,66 teńgeni qurady. Osylaısha, bir aı ishinde 4,6 paıyzǵa, al jyl basynan beri 3,6 paıyzǵa nyǵaıdy. Bul týraly búgin QR Ulttyq bankiniń baspasóz qyzmetinen habarlady.
KZT/USD valıýtalyq juby boıynsha bırjalyq operatsııalardyń kólemi Qazaqstan qor bırjasynda 2016 jyldyń naýryz aıymen salystyrǵanda 6,8 paıyzǵa tómendep, 2,8 mlrd. AQSh dollaryn qurady. Al bırjadan tys valıýta naryǵynda KZT/USD valıýta juby boıynsha operatsııa kólemi 7,5 mlrd. AQSh dollaryn qurady.
