Teńgeniń bırjalyq baǵamy jyl basynan beri 3,6% nyǵaıdy
ASTANA. QazAqparat - Qazaqstanda 2018 jyldyń aqpan aıynyń sońynda teńgeniń AQSh dollaryna shaqqandaǵy bırjalyq baǵamy 320,30 teńge bolyp, ótken aıdan 0,8 protsentke, al jyl basynan beri - 3,6 protsentke nyǵaıǵan, dep habarlaıdy «QazAqparat» HAA QR Ulttyq bankiniń baspasóz qyzmetine silteme jasap.
Aqpanda 1 AQSh dollaryna shaqqandaǵy teńge baǵamy 318,68 teńgeden 327,32 teńgege deıin ózgergen.
Ótken aıda KZT/USD valıýtalary boıynsha operatsııalardyń jalpy kólemi 14,4 mlrd AQSh dollaryn quraǵan (aqpanda operatsııalardyń jalpy kólemi 2 protsentke tómendegen), sonyń ishinde Qazaqstan qor bırjasyndaǵy bırjalyq saýda-sattyq kólemi - 3,3 mlrd AQSh dollaryn (-12,2 protsent), bırjadan tys valıýta naryǵyndaǵy operatsııalar kólemi - 11 mlrd AQSh dollaryn (+1,5 protsent) quraıdy.
