Teńgeniń baǵamy jaqyn ýaqytta munaı baǵasyna tikeleı baılanysty bolady - D. Aqyshev
«Aldaǵy ýaqytta teńgeniń aıyrbas baǵamynyń deńgeıi valıýta naryǵynda munaı baǵasyna tikeleı balanysty bolady. ıAǵnı, teńgeniń baǵamy jaqyn kezeńde «Brent» markaly munaı baǵasy boıynsha bir barreldiń quny 30-40 AQSh dollary dıapazonyna beıimdelýi tıis. Eger, munaı baǵasy budan beter tómendeıtin bolsa, ıaǵnı bir barreldiń quny 30 dollardan tómendep, Reseı rýbli 10 paıyzǵa qunsyzdanatyn bolsa, teńgeniń baǵamy da sáıkesinshe, jańa deńgeıge kóteriledi», - dedi D. Aqyshev.
Aıta ketelik, Ulttyq bank altyn-valıýta qoryn saqtaý maqsatynda ústimizdegi jyly besinshi qarashadan bastap, óziniń valıýta naryǵyna qatysý deńgeıin azaıtqan bolatyn. Degenmen, Ulttyq bank tóraǵasynyń aıtýynsha, QR Ulttyq banki valıýta naryǵyndaǵy alypsatarlyq terbelisterge jol bermeıdi.
«Ótken qarasha aıynda teńgeniń baǵamy 282 teńgeden 312 teńgege deıin tústi. Keıin Ulttyq banktiń qatysýynsyz-aq, teńgeniń baǵamy bir AQSh dollary - 308-307 teńge kóleminde turaqtaldy. Osylaısha, qarasha aıynda teńge baǵamyndaǵy ózgeris 9 paıyzdy qurady. Al Ulttyq bank qarasha aıynda valıýta naryǵynda 577 mln. AQSh dollaryn satyp aldy. Sáıkesinshe, Ulttyq bank valıýta naryǵynda eshqandaı alypsatarlyq áreketterge jol bermeıdi», - dedi D. Aqyshev.
