Teńgeniń baǵamy búgingi jaǵdaıǵa saı - QR UB tóraǵasy
ASTANA. QazAqparat - Teńgeniń qazirgi baǵamy búgingi jaǵdaıǵa saı. Búgin Májiliste jýrnalıster suraǵyna jaýap bergen QR Ulttyq banki tóraǵasy Qaırat Kelimbetov osylaı málimdedi.
Bas bankırdiń aıtýynsha, bastapqy kezdegi baǵam saýdasynyń ózi onyń aýqymy sonshalyqty úlken emes ekenin kórsetken. Bul rette Q. Kelimbetov saýdalasýdyń aýqymyndaǵy azǵantaı «sekiristerdiń» teńgeniń «jasandy» tapshylyǵyn týdyrýy múmkin ekenin de aıtyp qaldy.
«Osyndaıdy boldyrmaý úshin Ulttyq bank ınterventsııa jasady. Tutastaı alǵanda bizde buǵan quqyq bar, ıaǵnı naryqty qadaǵalaı otyryp, Ultttyq bank ınterventsııalar jasaı alady. Budan bólek, biz jyl sońyna deıin Ultyq Qor qarajatyn konvertatsııalaýdy da josparlaımyz. ıAǵnı, valıýta naryǵynda dollar usynysy men onyń tapshylyǵyna qatysty esh másele bolmaıdy. Sonymen qatar, búgingi kúngi baǵam 273 teńgeni qurap otyr, meniń oıymsha bul bizdiń valıýta baǵdarlanǵan syrtqy faktorlarǵa, qazirgi jaǵdaıǵa saı keledi. Bul rette másele teńge baǵamynyń munaıdyń búgingi baǵasyna barabar keletinine qatysty bolyp otyr. Máselen, teńge baǵamy 270 bolǵanda, aqsha naryǵynyń mólsherlemesi - 16, al rýbl baǵamy 70, munaı baǵasy - shamamen 50, tipti odan da tómen. Biz bul baǵany naryqqa saı dep esepteımiz», - dedi Q. Kelimbetov.
